నెల్లూర్లో పూజారి హత్య: హుండీ దోపిడీ

నెల్లూరు: నెల్లూరు జిల్లా దత్తలూరు మండలం కృష్ణ మందిరం ఆలయ పూజారిని దుండగులు హత్య చేసి హుండీని దోచుకెళ్లారు. ఈ సంఘటన గురువారం రాత్రి చోటు చేసుకుంది. చోరీని అడ్డుకోవడానికి పూజారి ప్రయత్నించాడు. దాంతో దుండగులు అతన్ని హత్య చేశారు. తాను హత్యకు గురై ఆలయ విగ్రహాలు చోరీ కాకుండా అతను అడ్డుకోగలిగాడు.

గురువారం అర్థరాత్రి దొంగల ముఠా ఆలయంలోకి చొరబడింది. దీన్ని గమనించి పూజారి వారిని అడ్డగించేందుకు ప్రయత్నించాడు. వారితో పోరాడాడు. ఈ గొడవలో అతని ప్రాణాలు పోయాయి. పూజారి మరణించడంతో దొంగలు విగ్రహాలను వదిలేసి హూండీతో పారిపోయారు.