కెసిఆర్ దిక్షకు మందకృష్ణ మద్దతు

వరంగల్: తెలంగాణ రాష్ట్ర సమితి (తెరాస) అధ్యక్షుడు కె.చంద్రశేఖర రావు తలపెట్టిన ఆమరణ నిరాహార దీక్షకు మాదిగ రిజర్వేషన్ పోరాట సమితి (ఎమ్మార్పీయస్) నేత మంద కృష్ణ మాదిగ మద్దతు ప్రకటించారు. కెసిఆర్ దీక్షకు తమ పూర్తి మద్దతు ఉంటుందని ఆయన శనివారం మీడియా ప్రతినిధుల సమావేశంలో చెప్పారు. అవసరమైతే తాము ఉద్యమంలో సంపూర్ణంగా పాల్గొంటామని ఆయన చెప్పారు. తమ కార్యకర్తలను పోలీసులు అరెస్టు చేయడానికి ప్రయత్నిస్తే తీవ్ర పరిణామాలుంటాయని ఆయన హెచ్చరించారు.

ఎస్సీ రిజర్వేషన్ల వర్గీకరణకు మద్దతు ప్రకటించాలని డిమాండ్ చేస్తూ చాలా కాలంగా మందకృష్ణ మాదిగ ఆందోళనలు సాగిస్తున్నారు. అయితే ఏళ్లు గడిచినా దానికి ప్రభుత్వాలు సిద్ధం కావడం లేదు. ఈ నేపథ్యంలో మందకృష్ణ మాదిగ రాజకీయ కార్యక్రమం వైపు దృష్టి సారించినట్లు భావిస్తున్నారు. ఇందులో భాగంగానే ఆయన కెసిఆర్ దీక్షకు మద్దతు ప్రకటించినట్లు సమాచారం.