ఖమ్మం జైలులో కెసిఆర్ నిరాహార దీక్ష

ఖమ్మం: ఖమ్మం సబ్‌జైలులో కూడా ఆమరణ నిరాహార దీక్ష కొనసాగిస్తానని తెలంగాణ రాష్ట్ర సమితి(టిఆర్‌ఎస్‌) అధ్యక్షుడు కె.చంద్రశేఖర రావు చెప్పారు. కెసిఆర్‌ని అరెస్ట్‌ చేసి కోర్టుకు తరలించగా, కోర్టు ఆయనకు రెండు వారాలు రిమాండ్‌ విధించింది. వెంటనే ఆయనను సబ్‌జైలుకు తరలించారు. అక్కడే ఆయన దీక్ష మొదలు పెట్టారు.

ఇలా ఉండగా కెసిఆర్ అరెస్టుకు ముందు, తర్వాత తలెత్తిన ఉద్రిక్త పరిస్ధితులపై ప్రభుత్వం సమీక్షిస్తోంది. ప్రత్యేక తెలంగాణ అంశం ముఖ్యమంత్రి రోశయ్య పరిధిలో లేదని దీనిపై తెరాస అధినేత కేసీఆర్‌ పునరాలోచించాలని కాంగ్రెస్‌ సీనియర్‌నేత వి.హనుమంతరావు అన్నారు. హింసాత్మక ఘటనల వల్ల నష్టమే తప్ప తెలంగాణకు ఏ మాత్రం లాభం లేదని ఆయన అభిప్రాయపడ్డారు.