ఖమ్మం మెజిస్ట్రేట్ ఎదుట కెసిఆర్ హాజరు

ఖమ్మం: తెలంగాణ రాష్ట్ర అధ్యక్షుడు కల్వకుంట్ల చంద్రశేఖర్‌రావును పోలీసులు ఖమ్మం ఇన్ చార్జ్ ఫస్ట్ క్లాస్ మెజిస్ట్రేట్‌ ముందు హాజరు పరిచారు. టీఆర్‌ఎస్‌ అధ్యక్షుడి హాజరు నేపథ్యంలో మెజిస్ట్రేట్‌ నివాసం వద్ద పోలీసులు పెద్ద ఎత్తున మోహరించారు.

అలగనూరు వద్ద అదుపులోకి తీసుకున్న కేసీఆర్‌ను తొలుత వరంగల్‌కు తరలిస్తున్నట్లు చెప్పిన అధికారులు చివరకు ఆయన్ను ఖమ్మం జిల్లాకు తరలించారు. ప్రజలను రెచ్చగొట్టేలా ప్రసంగించారన్న అభియోగంపై కేసీఆర్‌పై ఐపీసీ 114, 117 సెక్షన్ల కింద అరెస్టు చేశారు. మరోవైపు తమ నేత కేసీఆర్‌ను విడుదల చేయాలని డిమాండ్‌ చేస్తూ టీఆర్‌ఎస్‌ శ్రేణులు పెద్ద ఎత్తున ఆందోళన చేస్తున్నారు.