• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

కెసిఆర్ తో చర్చలకు కాంగ్రెస్ సీనియర్ల ఒత్తిడి

By Pratap
|

Congress
హైదరాబాద్: తెలంగాణ రాష్ట్ర సాధన కోసం ఆమరణ నిరాహార దీక్ష చేస్తూ ఖమ్మం జైలులో ఉన్న తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుతో రాష్ట్ర ప్రభుత్వం చర్చలు జరపాలని కాంగ్రెసు సీనియర్లు ముఖ్యమంత్రి కె.రోశయ్యను కోరారు. కెసిఆర్ అరెస్టు నేపథ్యంలో తలెత్తిన పరిణామాలపై కాంగ్రెసు సీనియర్ నాయకులు సోమవారంనాడు ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ తో సమావేశమయ్యారు. ఈ సమావేశంలో పాల్వాయి గోవర్ధన్ రెడ్డి, పురుషోత్తమరావు, అమోస్, కె.జానారెడ్డి, ఇంద్రసేనారెడ్డి తదితరులు పాల్గొన్నారు. దీక్ష విరమించాలని తాము కెసిఆర్ కు విజ్ఞప్తి చేస్తున్నట్లు పురుషోత్తమరావు సమావేశానంతరం మీడియా ప్రతినిధులతో చెప్పారు. తెరాస నాయకత్వంతో చర్చలు జరపాలని కెసిఆర్ దీక్ష చేపట్టడానికి ముందే తాము రోశయ్యను కలిసి కోరినట్లు ఆయన తెలిపారు.

ఉస్మానియా విశ్వవిద్యాలయంలో పోలీసులు అత్యుత్సాహం ప్రదర్శించారని ఆయన విమర్శించారు. పోలీసులకు అప్పజెప్పి తమ బాధ్యత అయిపోయిందని ప్రభుత్వం అనుకోవడం సరి కాదని ఆయన అన్నారు. తెలంగాణ రాష్ట్రం కావాలని అనడం పార్టీ వ్యతిరేకం గానీ దేశవ్యతిరేకం గానీ కాదని, తాము కూడా తెలంగాణ కావాలని కోరుకుంటున్నామని ఆయన చెప్పారు. కెసిఆర్ పార్టీని ఏర్పాటు చేయక ముందు నుంచి కూడా తాము ఈ డిమాండ్ చేస్తూ వస్తున్నామని ఆయన చెప్పారు. కెసిఆర్ డిమాండ్ తో తమకు ఏకీభావం ఉందని ఆయన చెప్పారు. అందరం కలిసి తెలంగాణ సాధనకు ప్రయత్నాలు సాగిద్దామని, దీక్ష విరమించాలని ఆయన కెసిఆర్ ను కోరారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X