కెసిఆర్ పిటిషన్ ను తోసిపుచ్చిన కోర్టు

ఖమ్మం: తనను ఖమ్మం నుంచి హైదరాబాదుకు గానీ వరంగల్ కు గానీ తరలించాలని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు తరఫు న్యాయవాది వేసిన పిటిషన్ ను ఖమ్మం జిల్లా సెషన్స్ కోర్టు మంగళవారం కొట్టేసింది. కెసిఆర్ అరెస్టు కేసు వేరే కోర్టు ముందు పెండింగ్ లో ఉన్నందున ఈ పిటిషన్ సరైంది కాదని ప్రభుత్వం వాదించింది. కెసిఆర్ దీక్ష విరమించారని కూడా ప్రభుత్వ తరఫు న్యాయవాది చెప్పారు. దీంతో జిల్లా సెషన్స్ కోర్టు కెసిఆర్ తరఫు న్యాయవాది వేసిన పిటిషన్ ను జిల్లా సెషన్స్ కోర్టు తిరస్కరించింది.

కెసిఆర్ తరలింపుపై మరో పిటిషన్ ను సంబంధిత కోర్టులు దాఖలు చేయడానికి ప్రయత్నాలు సాగుతున్నాయి. కోర్టు ఆదేశాల మేరకే తాము చర్యలు తీసుకుంటామని ఖమ్మం జిల్లా పోలీసు అధికారులు చెప్పారు. కెసిఆర్ జ్యుడిషియల్ రిమాండ్ లో ఉన్నారని, అందువల్ల కెసిఆర్ విషయంలో కోర్టు నుంచే తమకు తగిన ఆదేశాలు రావాల్సి ఉంటుందని, కోర్టు ఆదేశాల మేరకే వ్యవహరిస్తామని వారు మీడియా ప్రతినిధులతో చెప్పారు. ఖమ్మం ప్రభుత్వ ఆస్పత్రిలో ఏ విధమైన ఘర్షణ జరగలేదని, ఆస్పత్రి అద్దాలు కూడా గతంలోనే పగిలాయని ఓఎస్డీ అన్నారు.