• search
  • Live TV
ఖమ్మం వార్తల కోసం
నోటిఫికేషన్స్ పై క్లిక్ చేయండి  

కె చంద్రశేఖర రావు ఆరోగ్యంపై నివేదికకు జడ్జి ఆదేశం

By Pratap
|

K Chandrasekhar Rao
ఖమ్మం: ఖమ్మం ఆస్పత్రిలో నిరాహార దీక్ష చేస్తున్న తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు ఆరోగ్య పరిస్థితిపై నివేదిక సమర్పించాలని కోర్టు వైద్యులను ఆదేశించింది. కెసిఆర్ ఆరోగ్య పరిస్థితి ప్రమాదకరంగా ఉందని వస్తున్న వార్తల నేపథ్యంలో బుధవారం కోర్టు ఆ ఆదేశాలు జారీ చేసింది. కాగా, కెసిఆర్ ఆరోగ్య పరిస్థితిపై ఖమ్మం జిల్లా కలెక్టర్ ఉషారాణి మానవ హక్కుల కమిషన్ కు నివేదిక సమర్పించారు. చికిత్సకు అంగీకరించాలని ఉషారాణి కెసిఆర్ తో చర్చలు జరుపుతున్నారు. అయితే కెసిఆర్ అందుకు నిరాకరిస్తున్నారు. కెసిఆర్ ఉషారాణితో వాగ్వాదానికి దిగినట్లు సమాచారం. తనను వరంగల్ జైలుకు తరలించాలని ఆయన పట్టుబడుతున్నట్లు తెలుస్తోంది.

కెసిఆర్ ఆరోగ్య పరిస్థితి ప్రమాదకరంగా మారిందని ఆయన వ్యక్తిగత వైద్యుడు డాక్టర్ గోపీనాథ్ చెప్పారు. కెసిఆర్ ను హైదరాబాదు తరలించాలని, ఖమ్మంలో ఉంచితే కెసిఆర్ ఆరోగ్యానికి ప్రమాదం సంభవించవచ్చునని ఆయన అంటున్నారు. తన మాటను అధికారులు వినడం లేదని, అందువల్ల కెసిఆర్ కు చికిత్స అందించడం నుంచి తాను విరమించుకుంటున్నట్లు ఆయన తెలిపారు. కెసిఆర్ ఆరోగ్యం తీవ్రంగా క్షీణిస్తున్నట్లు వార్తలు వస్తున్నాయి.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X