కె చంద్రశేఖర రావు అరెస్టు తొందరపాటు: వెంకయ్యనాయుడు

కడప: తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు అరెస్టు విషయంలో రాష్ట్ర ప్రభుత్వం తొందర పడిందని బిజెపి జాతీయ నాయకుడు ఎం. వెంకయ్యనాయుడు అభిప్రాయపడ్డారు. కెసిఆర్ దీక్షను భగ్నం చేసేందుకు ప్రభుత్వం ముందుగానే స్పందించకుండా ఉండాల్సిందని ఆయన గురువారం మీడియా ప్రతినిధులతో అన్నారు. ప్రజాస్వామ్యంలో దీక్ష చేసే హక్కు ఎవరికైనా ఉందని ఆయన అన్నారు.

ఓబుళాపురం గనులతో తమ పార్టీకి ఏ విధమైన సంబంధం లేదని ఆయన స్పష్టం చేశారు. ఓబుళాపురం గనుల తవ్వకాల విషయంలో అక్రమాలు జరిగాయని తేలితే చర్యలు తీసుకునేందుకు కర్నాటక ప్రభుత్వం వెనకాడదని ఆయన చెప్పారు. దీనిపై సుప్రీంకోర్టు ఆదేశాలను శిరసా వహిస్తామని ఆయన చెప్పారు. దేశంలోలని 21 ప్రాంతాల్లో చైనా విమానాశ్రయాల నిర్మాణాలను అడ్డుకోవడంలో, సంఘ విద్రోహ శక్తులను అరికట్టడంలో కేంద్ర ప్రభుత్వం పూర్తిగా విఫలమైందని ఆయన విమర్శించారు.