• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సోనియాకు లేఖ: తెలంగాణ మంత్రుల నిర్ణయం

By Pratap
|

Sonia Gandhi
హైదరాబాద్: తెలంగాణ పరిణామాలపై తమ కాంగ్రెసు పార్టీ అధ్యక్షురాలు సోనియా గాంధీకి లేఖ రాయాలని తెలంగాణ మంత్రులు నిర్ణయించుకున్నారు. సోనియా నిర్ణయం ప్రకారం నడుచుకుంటామని వారు సోనియాకు తెలియజేయాలని అనుకుంటున్నారు. తెలంగాణ విద్యార్థుల ఆందోళన నేపథ్యంలో తెలంగాణ మంత్రుల ముందటి కాళ్లకు బంధాలు వేసినట్లయింది. విద్యార్థులకు నచ్చజెప్పే ప్రయత్నం చేస్తున్నప్పటికీ ఫలితం కనిపించడం లేదు. మంత్రుల ఇళ్లను విద్యార్థులు ముట్టిడిస్తున్నారు. తెలంగాణపై తాము కూడా దో ఒకటి చేస్తున్నామని అనిపించుకోవడానికి వారు ఇప్పుడు ప్రయత్నాలు చేస్తున్నారు.

హోం మంత్రి సబితా ఇంద్రారెడ్డి శనివారం ఉదయం ముఖ్యమంత్రి కె.రోశయ్యతో సమావేశమై తెలంగాణ పరిణామాలపై చర్చించారు. ఆ తర్వాత తెలంగాణ మంత్రులతో ఆమె సమావేశమయ్యారు. మళ్లీ రెండో సారి కూడా తెలంగాణ మంత్రులు సమావేశమయ్యారు. రెండు గంటల పాటు ఈ సమావేశం జరిగింది. తెలంగాణ విషయంలో తాము ఏ విధంగా ముందుకు సాగాలనే విషయంలో వారు తీవ్ర అయోమయంలో ఉన్నట్లు కనిపిస్తున్నారు. తెలంగాణ మంత్రులు శుక్రవారం రాత్రి పిసిసి అధ్యక్షుడు డి. శ్రీనివాస్ తో సమావేశమయ్యారు. తెలంగాణ అంశాన్ని తాము సోనియా గాంధీకి విన్నవిస్తానని డిఎస్ చెప్పినట్లు మంత్రి సునీతా లక్ష్మారెడ్డి చెప్పారు. తాము కూడా తెలంగాణ కోసం కృషి చేస్తున్నామని మంత్రి కోమటి రెడ్డి వెంకటరెడ్డి చెప్పారు. ఈ స్థితిలో సోనియాకు లేఖ రాయాలని తెలంగాణ మంత్రులు నిర్ణయించుకున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X