రాజీనామాలతో తెలంగాణేతర ఎమ్యెల్యేల క్యూ

హైదరాబాద్: పార్టీలకు అతీతంగా తెలంగాణేతర శాసనసభ్యులు గురువారం రాజీనామాలు చేయడానికి క్యూ కట్టారు. కాంగ్రెసు, తెలుగుదేశం శాసనసభ్యులు తమ రాజీనామా లేఖలను స్పీకర్ కిరణ్ కుమార్ రెడ్డికి అందజేయానికి క్యూ కట్టారు. తెలంగాణ రాష్ట్ర ఏర్పాటుకు కేంద్రం నిర్ణయం తీసుకున్నందుకు ఆగ్రహం వ్యక్తం చేస్తూ వారు తమ ఎమ్మెల్యే పదవులకు రాజీనామాలు చేస్తున్నారు. దాదాపు 50 మంది శాసనసభ్యులు రాజీనామా చేసే అవకాశాలున్నట్లు చెబుతున్నారు.

సీనియర్ కాంగ్రెసు శాసనసభ్యుడు జెసి దివాకర్ రెడ్డి రాజీనామాతో ఈ రాజీనామాల పరంపర మొదలైంది. ఆ తర్వాత ఒక్కరొక్కరే రాజీనామా చేయడం మొదలు పెట్టారు. డిఎల్ రవీంద్రా రెడ్డి, టిజి వెంకటేష్, ఆదాల ప్రభాకర్ రెడ్డి, నీరజా రెడ్డి, వీరశివా రెడ్డి, పల్లె రఘునాథ రెడ్డి, పార్థసారధి, అమర్నాథ్ రెడ్డి, నానీ రాజీనామాలు చేసినవారిలో ఉన్నారు. జోగి రమేష్ కూడా రాజీనామా చేశారు. దేవినేని ఉమ కూడా రాజీనామా చేశారు. ఇంకా రాజీనామాలు చేస్తారని అంటున్నారు. ఆనం వివేకానంద రెడ్డి, కన్నబాబు, ఎరాసు ప్రతాపరెడ్డి, కాటసారి రాంభూపాల్ రెడ్డి, ఎర్ర వెంకటేష్ రెడ్డి తదితరులు రాజీనామాలు చేసినవారిలో ఉన్నారు.