128కి చేరిన ఎమ్మెల్యే రాజీనామాలు

హైదరాబాద్: సమైక్యాంధ్ర ప్రదేశ్ ను కోరుతూ రాజీనామా చేసిన శాసనసభ్యుల సంఖ్య శుక్రవారం మధ్యాహ్నానికి 128కి చేరుకుంది. తెలంగాణ రాష్ట్ర ఏర్పాటుకు ప్రక్రియను ప్రారంభిస్తామని కేంద్ర హోం మంత్రి చిదంబరం ఢిల్లీలో ప్రకటన చేసిన తర్వాత పార్టీలకు అతీతంగా రాష్ట్ర శాసనసభ్యులు రాజీనామాలు చేయడం ప్రారంభించారు. ఇప్పటి వరకు రాజీనామాలు చేసినవారిలో 76 మంది కాంగ్రెసు సభ్యులు, తెలుగుదేశం సభ్యులు 38 మంది, ప్రజారాజ్యం సభ్యులు 14 మంది ఉన్నారు.

మొత్తం 102 మంది శాసనసభ్యులు రాజీనామా చేసినట్లు శుక్రవారం ఉదయం స్పీకర్ కిరణ్ కుమార్ రెడ్డి శుక్రవారం ఉదయం శాసనసభలో ప్రకటించారు. ఈ ప్రకటన చేస్తున్న సమయంలో మరో రాజీనామా కూడా వచ్చిందని ఆయన చెప్పారు. అయితే ఆ తర్వాత కూడా రాజీనామాల పరంపర కొనసాగుతూనే వచ్చింది. రాష్ట్ర శాసనసభలో మొత్తం సభ్యుల సంఖ్య 294 కాగా, తెలంగాణ శాసనసభ్యుల సంఖ్య 119 ఉంది. మిగతా సభ్యులు రాయలసీమ, కోస్తాంధ్ర ప్రాంతాలకు చెందినవారు.