• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మా రాజీనామాలు తమాషా కాదు: జెసి

By Pratap
|

JC Diwakar Reddy
హైదరాబాద్: తాము తమాషా కోసం రాజీనామా చేయలేదని కాంగ్రెస్ రాయలసీమ శాసనసభ్యుడు జెసి దివాకర్ రెడ్డి చెప్పారు. తమ రాజీనామాలను ఆషామాషీగా తీసుకోవద్దని, తమ రాజీనామాల్లో తీవ్రత ఉందని, అందుకు తాము కట్టుబడి ఉన్నామని ఆయన చెప్పారు. టిజి వెంకటేష్ తదితర రాయలసీమ, కోస్తాంధ్ర శాసనసభ్యులతో కలిసి ఆయన శుక్రవారం మీడియా ప్రతినిధులతో మాట్లాడారు. రేపు, ఎల్లుండి రిలే నిరాహార దీక్షలు చేయాలని నిర్ణయించుకున్నట్లు వారు చెప్పారు. సమైక్యవాదుల సంయుక్త కార్యాచరణ కమిటి (జెఎసి) కన్వీనర్ ప్రభుత్వ విఫ్ శైలజానాథ్ నియమితులయ్యారు. సమైక్యవాదంతో తాము మంగళవారం గవర్నర్ ఎన్డీ తివారీని కలుస్తామని జెసి దివాకర్ రెడ్డి చెప్పారు. తమ రాజీనామాలపై సోమవారం, మంగళవారం స్పీకర్ కిరణ్ కుమార్ రెడ్డి నిర్ణయం తీసుకుంటారని, చట్టప్రకారం స్పీకర్ రాజీనామాలపై నిర్ణయం తీసుకుంటారని ఆయన చెప్పారు.

తాము సీరియస్ గానే సమైక్యాంధ్రకు కట్టుబడి ఉన్నామని ఆయన చెప్పారు. అవసరమైతే ఆమరణ నిరాహారదీక్షలు కూడా చేస్తామని ఆయన చెప్పారు. ఉద్యమాన్ని శాంతియుతంగా చేయాలని ఆయన విజ్ఞప్తి చేశారు. తాము తెలంగాణ రాష్ట్ర సమితి (తెరాస) లాగా అల్లరి చేసేలా వ్యవహరించబోమని, భయాందోళనలను ప్రేరేపించబోమని ఆయన చెప్పారు. ఆంధ్ర విశ్వవిద్యాలయంలో పోలీసులు విద్యార్థులపై లాఠీచార్జీ చేసినట్లు తెలుస్తోందని, దాన్ని తాము ఖండిస్తున్నామని ఆయన చెప్పారు. ఆంధ్ర విశ్వవిద్యాలయాల నుంచి పోలీసులను ఉపసంహరించాలని ఆయన డిమాండ్ చేశారు.

అధిష్టానం తన నిర్ణయాన్ని ఉపసంహరించుకోకపోతే తాను ఆమరణ నిరాహార దీక్ష చేస్తానని కాంగ్రెసు శాసనసభ్యుడు వైయస్ వివేకానంద రెడ్డి హెచ్చరించారు. అయితే అందుకు ఆయనను సహచరులు వారించారు. తెలంగాణ మంత్రుల మాదిరిగా తాము ఐక్యంగా వ్యవహరించబోమా అని కోస్తాంధ్ర, రాయలసీమ శాసనసభ్యులు మథనపడ్డారు. తమ ప్రాంతానికి చెందిన కొందరు పదవులు పట్టుకుని వేలాడుతున్నారని, వారంతా పదవులకు రాజీనామా చేసి ఉద్యమానికి ముందుకు రావాలని వారన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X