• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బాబు మార్చుకుంటే వేరు కుంపటి: ఎర్రబెల్లి

By Pratap
|

Errabelli Dayakar Rao
హైదరాబాద్: తెలంగాణపై తమ పార్టీ అధ్యక్షుడు నారా చంద్రబాబు నాయుడు తన వైఖరిని మార్చుకుంటే తాము వేరు కుంపటి పెడతామని తెలుగుదేశం పార్టీ శాసనసభ్యుడు ఎర్రబెల్లి దయాకర్ రావు చెప్పారు. తెలంగాణ తెలుగుదేశం పార్టీ నాయకులు విడిగా సమావేశమై చర్చలు జరిపారు. తెలంగాణకు వ్యతిరేకంగా తిరిగి చంద్రబాబు నిర్ణయం తీసుకుంటే తాము తమ ప్రాంత ప్రజల ముందు ఎలా తిరగగలుగుతామని ఆయన సోమవారం మీడియా ప్రతినిధులతో అన్నారు. తెలంగాణపై వైఖరిని తెలుసుకునేందుకే తాము చంద్రబాబు వద్దకు వచ్చినట్లు ఆయన తెలిపారు. తెలంగాణ రాష్ట్ర ఏర్పాటుకు వెంటనే బిల్లును ప్రతిపాదించాలని ఆయన డిమాండ్ చేశారు. చంద్రబాబు తెలంగాణ వైఖరిని మార్చుకుంటే తెలంగాణ తెలుగుదేశం పార్టీని ఏర్పాటు చేస్తామని ఆయన చెప్పారు.

కాగా, తెలుగుదేశం తెలంగాణ శాఖను ఏర్పాటు చేయాలని తెలుగుదేశం పార్టీ నాయకుడు నాగం జనార్దన్ రెడ్డి డిమాండ్ చేశారు. తెలంగాణకు అనుకూలంగా తీసుకున్న నిర్ణయాన్ని మార్చుకుంటే తాము సహించబోమని ఆయన మీడియా ప్రతినిధులతో చెప్పారు. ప్రత్యేక తెలంగామ రాష్ట్ర ఏర్పాటుకు తాము కట్టుబడి ఉన్నామని ఆయన చెప్పారు. తెలంగాణ రాష్ట్ర ఏర్పాటుకు వెంటనే శాసనసభలో బిల్లు ప్రతిపాదించాలని ఆయన డిమాండ్ చేశారు. ఇదిలా వుంటే, తెలంగాణకు అనుకూలంగా ఇద్దరు తెలుగుదేశం శాసనసభ్యులు రాజీనామా చేశారు. రాజీనామా చేసినవారిలో చెన్నమనేని రమేష్ కూడా ఉన్నారు. ఇప్పటికే రేవూరి ప్రకాష్ రెడ్డి రాజీనామా చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X