వైయస్ వివేకానంద రెడ్డి అరెస్టు: దీక్ష భగ్నం

హైదరాబాద్: సమైక్యాంధ్ర నినాదంతో కాంగ్రెసు ఎమ్మెల్సీ, కడప పార్లమెంటు సభ్యుడు వైయస్ జగన్ చిన్నాన్న వైయస్ వివేకానంద రెడ్డి మంగళవారం దీక్ష చేపట్టారు. హైదరాబాదులోని సచివాలయం వద్ద గల అమరజీవి పొట్టి శ్రీరాములు విగ్రహం వద్ద దీక్షకు దిగారు. కాంగ్రెసు సీమాంధ్ర శాసనసభ్యులు పొట్టి శ్రీరాములుకు నివాళులు అర్పించిన తర్వాత వైయస్ వివేకానంద రెడ్డి దీక్షకు దిగారు. వారంతా సమైక్యాంధ్ర నినాదాలు చేశారు.

దీక్షకు అనుమతి లేదంటూ వైయస్ వివేకానంద రెడ్డిని పోలీసులు అదుపులోకి తీసుకుని అక్కడి నుంచి తరలించారు. శాంతియుతంగా దీక్ష చేస్తున్న తనను అడ్డుకోవద్దని వైయస్ వివేకానంద రెడ్డి పోలీసులను కోరారు. అయితే దీక్షకు అనుమతి లేదని చెప్పి పోలీసులు ఆయనను అదుపులోకి తీసుకున్నారు.