జూ ఎన్టీఆర్ ఆదుర్స్ ను అడ్డుకుంటాం: జెఎసి

హైదరాబాద్: జూనియర్ ఎన్టీఆర్ హీరోగా నటించిన అదుర్స్ సినిమా ప్రదర్శనను అడ్డుకుంటామని తెలంగాణ విద్యార్థుల జెఎసి ప్రకటించింది. తెలంగాణకు వ్యతిరేకంగా జూనియర్ ఎన్టీఆర్ తండ్రి, రాజ్యసభ సభ్యుడు వ్యవహరించినందుకు నిరననగా తెలంగాణలో అదుర్స్ సినిమా ప్రదర్శనను అడ్డుకుంటామని వారు చెప్పారు. ఇప్పటికే ప్రజారాజ్యం పార్టీ అధ్యక్షుడు చిరంజీవి అల్లుడు నటించిన ఆర్య-2 సినిమాను తెలంగాణలో పలు చోట్ల అడ్డుకున్నారు. చిరంజీవి కుటుంబ సభ్యుల సినిమాలను ప్రదర్శించబోమని వరంగల్ థియేటర్ యజమానులు ప్రకటించారు.,br />

సమైక్యాంధ్రకు మద్దతుగా చిరంజీవి నిర్ణయం తీసుకోవడాన్ని తెలంగాణ విద్యార్థులు తీవ్రంగా నిరసిస్తున్నారు. ప్రజారాజ్యం యువరాజ్యం తెలంగాణ కార్యకర్తలు పార్టీ కార్యాలయం వద్ద ప్రదర్శన నిర్వహించారు. చిరంజీవికి వ్యతిరేకంగా నినాదాలు చేశారు. రాత్రికి రాత్రి చిరంజీవి నిర్ణయం మార్చుకోవడాన్ని వారు తప్పు పట్టారు. తెలంగాణ ప్రజారాజ్యం నాయకులు కూడా చిరంజీవి వైఖరిని తప్పు పడుతున్నారు.