అల్లు అర్జున్ ఆర్య-2కు విద్యార్థుల బ్రేక్

హైదరాబాద్: ప్రజారాజ్యం పార్టీ అధినేత చిరంజీవి అల్లుడు, హీరో అల్లు అర్జున్ నటించిన ఆర్య-2 ప్రదర్శనను తెలంగాణ అంతా విద్యార్థులు అడ్డుకుంటున్నారు. సమైక్యాంధ్రకు మద్దతుగా చిరంజీవి నిర్ణయం తీసుకుంటారనే వార్తలతో ఆగ్రహించిన విద్యార్థులు ఆర్య-2 సినిమా ప్రదర్శనను అడ్డుకుంటున్నారు. దీంతో తెలంగాణలోని పలు చోట్ల సినిమా ప్రదర్శనలు ఆగిపోయాయి.

సినిమా ప్రదర్శనలు ఆపేయాలని వరంగల్ థియేటర్ల యజమానులు నిర్ణయించుకున్నారు. తెలంగాణలో చిరంజీవి కుటుంబ సభ్యుల సినిమాలను అడ్డుకుంటామని విద్యార్థుల జెఎసి ఇప్పటికే ప్రకటించారు. తెలంగాణకు వ్యతిరేకంగా వ్యవహరిస్తున్న ఇతర పార్టీల సినిమాలను కూడా తెలంగాణలో ఆడనివ్వబోమని చెప్పారు.