రోశయ్య వ్యాఖ్యలపై అమోస్ ఆగ్రహం

హైదరాబాద్: ముఖ్యమంత్రి కె.రోశయ్య వ్యాఖ్యలపై కాంగ్రెసు సీనియర్ నాయకుడు కెఆర్ అమోస్ ఆగ్రహం వ్యక్తం చేశారు. అత్యధిక ప్రజలు సమైక్యాంద్రను కోరుకుంటున్నారని ముఖ్యమంత్రి రోశయ్య అనడం కుట్రపూరితమైందని ఆయన గురువారం మీడియా ప్రతినిధులతో అన్నారు. ముఖ్యమంత్రి వ్యాఖ్యలను తెలంగాణ ప్రజలు తీవ్రంగా తీసుకుంటారని ఆయన అన్నారు. రోశయ్య వ్యాఖ్యలు కించపరిచేవిగా ఉన్నయని ఆయన అన్నారు.

సమైక్యాంధ్ర అనేది కుట్ర అని ఆయన వ్యాఖ్యానించారు. ఎప్పటికైనా రాష్ట్ర శాసనసభలో తెలంగాణ రాష్ట్ర ఏర్పాటుకు తీర్మానం పెట్టాల్సిందేనని ఆయన అన్నారు. సమైక్యాంధ్ర ఉద్యమం కొంత మంది తెలంగాణపై కుట్రగా ముందుకు తెచ్చారని ఆయన అన్నారు.