• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చిరంజీవిని, బాబును నిలదీయండి: విహెచ్

By Pratap
|

V Hanumantha Rao
న్యూఢిల్లీ: తెలంగాణకు అనుకూలంగా నిర్ణయాలు వస్తున్నప్పుడు ఎందుకు వ్యతిరేకించలేదు, శాసనసభలో తెలంగాణ తీర్మానం పెడతామన్నప్పుడు బలపరుస్తామని ఎందుకు చెప్పారని తెలుగుదేశం పార్టీ అధ్యక్షుడు నారా చంద్రబాబు నాయుడిని, ప్రజారాజ్యం పార్టీ అధ్యక్షుడు చిరంజీవిని నిలదీయాలని కాంగ్రెసు తెలంగాణ రాజ్యసభ సభ్యుడు వి.హనుమంతరావు కోస్తాంధ్ర, రాయలసీమ ప్రజలను కోరారు. సమైక్యాంధ్ర నినాదంతో చిరంజీవి యాత్ర చేపట్టారని, చంద్రబాబు చేపడతానని అంటున్నారని, వారిని ప్రజలు, విద్యార్థులు ప్రశ్నించాలని ఆయన శుక్రవారం మీడియా ప్రతినిధులతో అన్నారు. తెలంగాణకు అనుకూలంగా ఎన్నికల ప్రణాళికలో చేర్చినప్పుడు, యుపిఎ ఉమ్మడి కార్యాచరణ ప్రణాళికలో పెట్టినప్పుడు, రాష్ట్రపతి ప్రసంగంలో ప్రస్తావించినప్పుడు చిరంజీవి, చంద్రబాబు, సీమాంధ్ర నాయకులు ఎందుకు వ్యతిరేకించలేదని, తమ నాయకురాలు సోనియా గాంధీ ఇచ్చిన మాటను నిలబెట్టుకోవడానికి ముందుకు వచ్చినప్పుడు ఎందుకు వ్యతిరేకిస్తున్నాని ఆయన అడిగారు. పైగా, ప్రభుత్వం తీర్మానం పెడితే మద్దతిస్తామని చంద్రబాబు, చిరంజీవి మాట ఇచ్చారని, ఆ మాటను ఇప్పుడు మార్చారని, దానివల్లనే సమస్య తలెత్తిందని ఆయన అన్నారు.

చిరంజీవి, చంద్రబాబు అప్పుడే తెలంగాణకు వ్యతిరేకంగా ప్రతిస్పందించి ఉంటే, తెలంగాణ తీర్మానాన్ని వ్యతిరేకిస్తామని చెప్పి వుంటే తెలంగాణ రాష్ట్ర ఏర్పాటుకు కేంద్ర ప్రభుత్వం నిర్ణయం తీసుకుని ఉండేది కాదని ఆయన అన్నారు. అప్పుడేమో అనుకూలంగా స్పందించి ఇప్పుడు వ్యతిరేకించడంలోని నీతి ఏమిటని ఆయన అడిగారు. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు తెలంగాణ కోసం నిరాహార దీక్ష చేసినప్పుడు సమైక్యాంధ్ర కోసం ఎందుకు ఉద్యమాలు చేయలేదని ఆయన అడిగారు. సీమాంద్ర రాజకీయ నాయకులు రాజకీయ పబ్బం గడుపుకోవడానికి ప్రజలను రెచ్చగొడుతున్నారని, వారి రాజకీయ ప్రయోజనాలకు బలి పశువులు కావద్దని ఆయన అన్నారు. విద్యార్థులు తమ జీవితాలను రాజకీయ నాయకుల ప్రయోజనాల కోసం ఫణంగా పెట్టవద్దని ఆయన సీమాంధ్ర విద్యార్థులకు పిలుపునిచ్చారు. తమ నేత సోనియా గాంధీని అవమానిస్తే సహించబోమని ఆయన అన్నారు. తమ నేత సోనియా గాంధీని తెలుగుదేశం పార్టీ సభ్యులు అవమానిస్తుంటే తమ పార్టీ సభ్యులు చూస్తూ ఊరుకోవడం బాధంగా ఉందని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X