రాజగోపాల్ విశాఖ వెళ్తున్నట్టు వదంతులు

విశాఖపట్నం: రాజగోపాల్ విశాఖ దిశగా వెళ్తున్నట్టు వదంతులు వ్యాపించాయి. సమైక్యాంధ్ర సాధనకు ఆమరణ దీక్ష చేస్తున్న ఎంపీ లగడపాటి రాజగోపాల్‌ విజయవాడలో తప్పించుకోవడంతో విశాఖ పోలీసులు అప్రమత్తమయ్యారు. ఆయన విశాఖపట్నం వైపు వస్తున్నారని వార్తలు రావడంతో ఇక్కడ కలకలం రేగింది. జాతీయ రహదారిపై పోలీసులు మోహరించారు. మరోపక్క కాంగ్రెస్‌ శ్రేణులు కూడా అప్రమత్తమయ్యాయి.

లగడపాటి ఆరోగ్యం క్షీణించడంతో వైద్యసేవల నిమిత్తం మంగళగిరి తీసుకువెళ్తుండగా ఆయన తప్పించుకున్నారు. హైదరాబాద్‌ కు గానీ, విశాఖగానీ వెళ్లే అవకాశం ఉందని ఊహాగానాలు చెలరేగాయి. కింగ్‌ జార్జి అసుపత్రిలో మెరుగైన వైద్య సదుపాయాలు అందుబాటులో ఉండడంతో విశాఖ వచ్చేందుకే అవకాశం ఎక్కువుందని అంచనా వేస్తున్నారు. ఇక్కడి అభిమానులు, రాజకీయనాయకులు ఆయన రాక కోసం ఎదురుచూస్తుండగా పోలీసులు ఆయన్ను అదుపులోకి తీసుకునేందుకు సన్నాహాలు చేస్తున్నారు. దీంతో విశాఖలో వాతావరణం వేడెక్కింది.