జెఎన్ టియు కళాశాలలకు 30 వరకు సెలవులు

హైదరాబాద్‌: జెఎన్‌టీయూ పరిధిలోని అన్ని కాలేజీలకు ఈ నెల 30 వరకు సెలవులు ప్రకటించారు. ఈ సమయంలో జరగాల్సిన పరీక్షలను కూడా వాయిదా వేస్తున్న వైస్‌ చాన్సలర్‌ డీఎన్‌ రెడ్డి గురువారం మీడియాకు తెలిపారు.

ఉస్మానియా విశ్వవిద్యాలయంలో విద్యార్థులకు సంఘీభావం తెలిపేందుకు వెళ్లిన తెలుగుదేశం శాసనసభ్యులను విద్యార్థులు అడ్డుకోవడంతో తీవ్ర ఉద్రిక్తపరిస్థితులు ఏర్పడ్డాయి. తెలంగాణపై తెలుగుదేశం వైఖరిని స్పష్టం చేయాలని డిమాండ్‌ చేస్తూ విద్యార్థులు వారిపై దాడి చేశారు. వారి వాహనాలను ధ్వంసం చేశారు. ఈ దాడిలో కొందరు శాసనసభ్యులకు గాయాలయ్యాయి.