రక్షణ శాఖకు విశాఖ షిప్ యార్డు బదిలీ

న్యూఢిల్లీ: విశాఖ హిందుస్థాన్‌ షిప్‌యార్డును రక్షణ మంత్రిత్వశాఖకు బదిలీ చేయాలని కేంద్ర మంత్రివర్గం నిర్ణయించింది. నౌకాదళానికి, నౌకల తయారీకి పూర్తిస్థాయిలో ఉపకరించేలా హిందుస్థాన్‌ షిప్‌యార్డు సామర్థ్యాన్ని అభివృద్ధి చేయాలని కూడా మంత్రివర్గం నిర్ణయించినట్లు సమాచార ప్రసార శాఖ మంత్రి అంబికా సోనీ వెల్లడించారు. దేశ భద్రత దృష్ట్యా ఈ నిర్ణయం తీసుకున్నట్టు ఆమె చెప్పారు.

అందమైన విశాఖ నగరంలో హిందుస్ధాన్ షిప్ యార్డ్ చక్కగా ఇమిడిపోయింది. దేశమే కాదు ప్రపంచంలోని ఏ ప్రాంతానికైనా వాయు, సముద్ర, రైలు, రోడ్డు మార్గాలకు అందుబాటులో ఉన్నది. ప్రస్తుతం షిప్పింగ్ శాఖ అధీనంలో ఉన్న ఈ షిప్ యార్డు డిఫెన్స్ శాఖకు బదిలీ అయితే రక్షణ పరంగా బాగుంటుందన్న అభిప్రాయం ఉంది.