• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సిఎంకు తెలంగాణ మంత్రుల రాజీనామాలు

By Pratap
|

Rosaiah
హైదరాబాద్: తెలంగాణకు చెందిన రాష్ట్ర మంత్రులు శుక్రవారం ముఖ్యమంత్రి కె. రోశయ్యకు తమ రాజీనామా లేఖలు ఇచ్చారు. వారు శుక్రవారం మధ్యాహ్నం ముఖ్యమంత్రిని కలిసి తాము రాజీనామా చేయడానికి గల కారణాలను వివరించారు. అంతకు ముందు వారంతా మంత్రి డికె అరుణ చాంబర్ లో సమావేశమై చర్చించారు. తెలంగాణ రాష్ట్ర ఏర్పాటుపై కేంద్ర హోం మంత్రి పి.చిదంబరం ప్రకటనలో స్పష్టత లేదని, తెలంగాణ రాష్ట్ర ఏర్పాటు ప్రక్రియకు నిర్దిష్టమైన గడువు పెట్టలేదని నిరసిస్తూ వారు రాజీనామాలు చేశారు. మొత్తం 12 మంది మంత్రులు రాజీనామా చేశారు. ఐటి మంత్రి కోమటిరెడ్డి వెంకటరెడ్డి గురువారంనాడే రాజీనామా చేశారు.

రాజీనామాలు చేయవద్దని ముఖ్యమంత్రి చెప్పినా వారు వినలేదు. పార్టీ అధిష్టానం తెలంగాణకు సానుకూలంగానే ఉందని, అందువల్ల ఆవేశంతో, భావోద్వేగంతో రాజీనామా చేయకూడదని ముఖ్యమంత్రి చెప్పారు. రాజీనామాల వల్ల పార్టీకి నష్టం జరుగుతుందని ఆయన అన్నారు. అయితే తమ ప్రజల మనోభావాలను దృష్టిలో పెట్టుకుని తాము రాజీనామా చేస్తున్నట్లు వారు తెలిపారు. ఫ్యాక్శ్ ద్వారా వారు రాజీనామాలను కాంగ్రెసు అధ్యక్షురాలు సోనియా గాంధీకి పంపనున్నారు. గురువారం రాత్రి మంత్రుల సమావేశానికి హాజరు కాని ముఖేష్ గౌడ్ శుక్రవారం ముఖ్యమంత్రిని కలిసినవారిలో ఉన్నారు. దానం నాగేందర్ కూడా ఈ మంత్రులతో ఉన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X