విభజన శాస్త్రీయంగా జరగాలి: గాదె

హైదరాబాద్: రాష్ట్ర విభజన శాస్త్రీయంగా జరగాలని రాష్ట్ర దేవాదాయ మంత్రి గాదె వెంకట రెడ్డి అబిప్రాయపడ్డారు. రాష్ట్ర విభజన శాస్త్రీయంగా జరగడానికి రెండో ఎస్సార్సీయే మార్గమని ఆయన సోమవారం మీడియా ప్రతినిధులతో అన్నారు. ప్రస్తుత పరిస్థితుల్లో ఒక ప్రాంతానికి, మరో ప్రాంతానికి మధ్య విద్వేషాలు పెరగకూడదంటే రెండో ఎస్సార్సీయే లాంటి శాస్త్రీయ ప్రక్రియ మాత్రమే మార్గమని ఆయన అన్నారు. సీమాంధ్ర మంత్రులు ఎవరు కూడా ఢిల్లీకి వెళ్లబోరని ఆయన చెప్పారు.

రాష్ట్రాభివృద్ధిపై తాము శ్వేతపత్రాన్ని డిమాండ్ చేయలేదని ఆయన చెప్పారు. తాము ఈ విషయంలో ఎవరినీ డిమాండ్ చేయలేదని ఆయన స్పష్టం చేశారు. రాష్టం ప్రాంతాలవారీగా ఎలా అభివృద్ధి చెందిందో వివరాలు అందించాలని మాత్రమే తాము అడిగినట్లు ఆయన తెలిపారు. అవసమైతే శ్వేతపత్రానికి అడుగుతామని ఆయన చెప్పారు.