• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఉస్మానియా హాస్టళ్ల మూసివేతకు హైకోర్టు బ్రేక్

By Pratap
|

High Court
హైదరాబాద్: హైదరాబాదులోని ఉస్మానియా విశ్వవిద్యాలయం హాస్టళ్లను మూసివేస్తూ రాష్ట్ర ప్రభుత్వం జారీ చేసిన ఆదేశాలను రాష్ట్ర హైకోర్టు మంగళవారం కొట్టేసింది. హాస్టళ్ల మూసివేత తగదని చెప్పింది. అర్హులైన విద్యార్థులందరినీ హాస్టళ్లలో ఉండనివ్వాలని కూడా ఆదేశించింది. విద్యార్థుల జెఎసి వచ్చే నెల 3వ తేదీన మహా గర్జనకు పిలుపునిచ్చి, ఉస్మానియాలో విద్యార్థులు ఆందోళనలు చేస్తున్న నేపథ్యంలో హాస్టళ్లను మూసివేస్తూ ప్రభుత్వం ఉత్తర్వులు జారీ చేసింది. హైకోర్టు ఆదేశాలపై తెలంగాణ రాష్ట్ర సమితి (తెరాస) నాయకుడు ఈటెల రాజేందర్ హర్షం వ్యక్తం చేశారు. విద్యార్థులందరి వద్ద గుర్తింపు కార్డులుండాలని ముఖ్యమంత్రి కె. రోశయ్య ఆదేశించారు.

ఇదిలా వుంటే, మంగళవారం ఉస్మానియా విశ్వవిద్యాలయంలో తీవ్ర ఉద్రిక్త పరిస్థితులు నెలకొన్నాయి. పోలీసులు స్టాలిన్ తో పాటు మరో విద్యార్థిని పోలీసులు అరెస్టు చేశారు. ఆ ఆరెస్టులను నిరసిస్తూ విద్యార్థులు ఆందోళనకు దిగారు. ఈ సమయంలో విద్యార్థులపై పోలీసులు లాఠీ చార్జీ చేశారు. ఉస్మానియాలో ఆందోళన చేస్తున్న విద్యార్థులను బిజెపి రాష్ట్రాధ్యక్షుడు బండారు దత్తాత్రేయ మంగళవారం పరామర్శించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X