విడుదలైన సూరికి ప్రైవేటు సైన్యం రక్షణ

అనంతపురం: సంచలనం సృష్టించిన పరిటాల రవి హత్య కేసులో నిందితుడు మద్దలచెరువు సూర్యనారాయణ అలియాస్ సూరి ప్రైవేటు సైన్యాన్ని ఏర్పాటు చేసుకున్నట్టు తెల్సింది. 13 ఏళ్ళ కారాగారవాసం తర్వాత ఆయన బెయిల్ పై నిన్న సాయత్రం విడుదలయ్యారు. ఆయనపై ప్రత్యర్ధులు దాడి చేసే అవకాశాలున్నందువల్ల కొంత కాలం అతి జాగ్రత్తగా ఉండాలని ప్రైవేటు సైన్యాన్ని ఏర్పాటు చేసుకున్నట్టు తెలుస్తోంది.

జీవిత ఖైదీలను విడుదల చేస్తూ ప్రభుత్వం జారీ చేసిన జీఓ ప్రకారం గత అక్టోబరు 2న గాంధీ జయంతి రోజునే, సూరికి కారు బాంబు కేసు నుండి విముక్తి లభించింది. అయితే, పరిటాల హత్య కేసులోనూ, బెంగుళూరుకు సంబంధించిన మరో కేసులోనూ ఆయనకు బెయిల్‌ రావడం లో జాప్యం జరిగి, విడుదల కాలేదు. ఈ రెండు కేసుల్లోనూ ఇటీవలే బెయిల్‌ మంజూరయింది. పరిటాల రవి హత్య కేసులో షరతులతో కూడిన బెయిలు వ చ్చింది.

ఆ షరతుల ప్రకారం సూరి, కేసు వాయిదా స మయంలో మినహా తక్కిన రోజుల్లో అనంతపురం జి ల్లాలో ఉండకూడదు. గురువారం, ఆదివారం హైదరాబాద్‌లోని సీబీఐ కార్యాలయంలో హాజరు కావాల్సి ఉంది. బెయిలు మంజూరయిన నేపథ్యంలో, కోర్టు ఆ దేశాల ప్రకారం జామీను తదితర ప్రక్రియలు పూర్తి అయిన తరువాత మంగళవారం జైలు అధికారులు విడుదల చేశారు.