• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాజీనామాల ఆమోదానికే ఒత్తిడి: నాగం జనార్దన్ రెడ్డి

By Pratap
|

Telugudesam
హైదరాబాద్: తెలంగాణ శాసనసభ్యుల రాజీనామాలు ఆమోదించడానికి స్పీకర్ కిరణ్ కుమార్ రెడ్డిపై ఒత్తిడి తేవడానికి తాము కట్టుబడి ఉన్నామని తెలుగుదేశం పార్టీ తెలంగాణ నాయకుడు నాగం జనార్దన్ రెడ్డి చెప్పారు. తెలంగాణకు చెందిన 119 మంది శాసనసభ్యులను సమావేశపరిచి రాజీనామాలకు ఒప్పించి, రాజ్యాంగ సంక్షోభం సృష్టించి తెలంగాణ రాష్ట్ర ఏర్పాటుకు కృషి చేయాలనే జెఎసి నిర్ణయానికి కట్టుబడి ఉన్నామని, ఈ విషయాన్ని తాము జెఎసికి తెలియజేస్తామని ఆయన చెప్పారు. తమ పార్టీ నాయకులు ఎర్రబెల్లి దయాకర రావు, మోత్కుపల్లి నర్సింహులు తదితర తెలంగాణ నాయకులతో కలిసి ఆయన గురువారం మీడియా ప్రతినిధులతో మాట్లాడారు. జనవరి 5వ తేదీన కేంద్రం తలపెట్టిన చర్చల సమావేశంపై తాము ఏ నిర్ణయం తీసుకోలేదని ఆయన చెప్పారు. కేంద్రం లేఖ తమకు ఇంకా అందలేదని, అది అందిన తర్వాత చర్చిస్తామని ఆయన చెప్పారు. తాము జెఎసి నిర్ణయాలకు కట్టుబడి ఉంటామని ఆయన చెప్పారు.

కేంద్ర ప్రభుత్వం జనవరి 5వ తేదీన తలపెట్టిన చర్చలపై పునరాలోచన చేయాలని ఆయన కోరారు. పార్టీ ప్రాంతాలవారీగా చీలిపోయినందున అన్ని పార్టీల్లో గందరగోళ పరిస్థితి నెలకొన్నదని, అందువల్ల చర్చల ప్రక్రియ సరైంది కాదని ఆయన అన్నారు. కమిటీ ఏర్పాటు పేరుతో కేంద్ర ప్రభుత్వం తెలంగాణ ఏర్పాటుపై కాలయాపన చేయాలని చూస్తోందని ఆయన విమర్శించారు. తెలంగాణ రాష్ట్ర ప్రక్రియ ఎప్పుడు ప్రారంభిస్తారో చెప్పాలని ఆయన డిమాండ్ చేశారు. తెలంగాణ రాష్ట్ర ఏర్పాటు నిర్దిష్టమైన గడువు చెప్పాలని, పార్లమెంటులో బిల్లు ప్రతిపాదించాలని కూడా ఆయన డిమాండ్ చేశారు. పార్లమెంటులో బిల్లు ఎప్పుడు ప్రతిపాదిస్తారో చెప్పాలని ఆయన డిమాండ్ చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X