రాణా లీడర్ షూటింగ్ కు తెలంగాణ దెబ్బ

కరీంనగర్: ప్రముఖ నిర్మాత సురేష్ బాబు కుమారుడు రాణా హీరోగా నటిస్తున్న లీడర్ షూటింగ్ ను తెలంగాణవాదులు అడ్డుకున్నారు. కరీంనగర్ జిల్లా రామగండం ఎపిసి3లో షూటింగ్ జరుగుతుండగా తెలంగాణ ఆందోళనకారులు వచ్చి షూటింగ్ ను అడ్డుకున్నారు. ఈ సంఘటన సోమవారం ఉదయం జరిగింది. ఈ చిత్రానికి శేఖర్ కమ్ముల దర్శకత్వం వహిస్తున్న విషయం తెలిసిందే.

రామగుండం ఓపెన్ కాస్ట్ బొగ్గు గనుల్లో షూటింగ్ నిమిత్తం చిత్ర యూనిట్ ఆదివారం సాయంత్రం ఇక్కడికి చేరుకుంది. లోకేషన్స్ చూసుకుని సోమవారం ఉదయం షూటింగ్ కు సమాయత్తమయ్యారు. ఈ సమయంలో తెలంగాణ ఆందోళనకారులు అక్కడికి చేరుకుని షూటింగ్ ను అడ్డుకున్నారు. జై తెలంగాణ నినాదాలు చేశారు. హీరో రాణాతో కూడా జై తెలంగాణ నినాదాలు చేయించారు.