వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

వ్యతిరేకమైతే అక్కడికక్కడే రాజీనామా: జూపల్లి కృష్ణారావు

By Pratap
|
Google Oneindia TeluguNews

Jupally Krishna Rao
హైదరాబాద్: రేపటి కేంద్ర హోం శాఖ సమావేశంలో తెలంగాణకు వ్యతిరేకంగా నిర్ణయం వస్తే అక్కడికక్కడే రాజీనామాలు చేస్తామని తెలంగాణకు చెందిన రాష్ట్ర పౌర సరఫరాల మంత్రి జూపల్లి కృష్ణారావు చెప్పారు. ఢిల్లీకి బయలుదేరే ముందు కోమటిరెడ్డి వెంకటరెడ్డి తో కలిసి ఆయన సోమవారం మీడియా ప్రతినిధులతో మాట్లాడారు. రాయలసీమ, కోస్తాంధ్ర నేతల ఒత్తిడికి తలొగ్గి కేంద్ర ప్రభుత్వం తెలంగాణపై ఏ మాత్రం వెనకడుగు వేసినా తాము ఆక్కడికక్కడే రాజీనామాలు చేస్తామని జూపల్లి కృష్ణారావు చెప్పారు. తెలంగాణ విషయంలో రాజీ పడే ప్రసక్తే లేదని ఆయన అన్నారు. ఈసారి తెలంగాణ సాధించుకోకపోతే తాము ఎప్పుడూ సాధించుకోలేమని ఆయన అన్నారు.

సమైక్యవాదులు ప్రజలను రెచ్చగొట్టవద్దని ఐటి శాఖ మంత్రి కోమటిరెడ్డి వెంకటరెడ్డి సూచించారు. ఐదో తేదీ సమావేశం తర్వాతనే తాను రాజీనామాను ఉపసంహరించుకునే విషయాన్ని ఆలోచిస్తానని ఆయన చెప్పారు. తెలంగాణపై కేంద్ర ప్రభుత్వం పార్లమెంటులో ప్రకటించిన తర్వాత దాన్ని వ్యతిరేకించడం సరైంది కాదని ఆయన అన్నారు. తెలంగాణలోని కోస్తాంధ్రవారికి అభద్రతా భావం అవసరం లేదని ఆయన అన్నారు. అన్నదమ్ముల్లా విడిపోయి, అన్నదమ్ముల్లా కలిసుందామని ఆయన సమైక్యావాదులను కోరారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X