ఆర్య 2ను అడ్డుకుంటాం: విద్యార్థుల జెఎసి

రాజమండ్రి: అల్లు అర్జున్ నటించిన ఆర్య -2 సినిమా ప్రదర్శనను అడ్డుకుంటామని తెలంగాణ విద్యార్థి సంఘాల ఐక్య కార్యాచరణ సమితి (జెఎసి) హెచ్చరించింది. ఈ నెల 8వ తేదీన ఆ సినిమా విడుదలవుతోంది. తెలంగాణకు వ్యతిరేకంగా అల్లు అర్జున్ కుటుంబం వ్యవహిస్తున్నందున ఈ సినిమా ప్రదర్శనను అడ్డుకుంటామని జెఎసి నేతలు చెప్పారు. తెలంగాణపై తెలుగు సినీ పరిశ్రమ తన వైఖరిని ప్రకటించాలని వారు డిమాండ్ చేశారు.

తాము సినీ పరిశ్రమకు వ్యతిరేకం కాదని, తెలంగాణవాదానికి మద్దతివ్వనివారి సినిమాలను మాత్రమే అడ్డుకుంటామని వారు చెప్పారు. తెలంగాణకు వ్యతిరేకంగా వ్యవహరించేవారిని మాత్రమే అడ్డుకుంటామని వారు చెప్పారు. తెలంగాణపై కేంద్ర ప్రభుత్వం నిర్దిష్ట కాలపరిమితి ప్రకటించే వరకు ఉద్యమం కొనసాగుతుందని వారు చెప్పారు. తమ ఉద్యమం శాంతియుతంగానే సాగుతుందని వారన్నారు.