విశ్వాస పరీక్ష నెగ్గిన సొరేన్ ప్రభుత్వం

రాంచీ: జార్ఖండ్ ముఖ్యమంత్రి శిబూ సొరేన్ ప్రభుత్వం గురువారం శాసనసభలో విశ్వాస పరీక్ష నెగ్గింది. విశ్వాస పరీక్ష తీర్మానాన్ని డిప్యూటీ ముఖ్యమంత్రి రఘువర్ దాస్ శాసనసభలో ప్రతిపాదించారు. సొరేన్ పార్లమెంటు సభ్యుడిగా కొనసాగుతుండడంతో ఆయన విశ్వాస పరీక్ష తీర్మానాన్ని సభలో ప్రవేశపెట్టారు. డిసెంబర్ 30వ తేదీన సొరేన్ ముఖ్యమంత్రిగా ప్రమాణ స్వీకారం చేశారు. జనవరి 8వ తేదీలోగా సభలో బలాన్ని నిరూపించుకోవాలని గవర్నర్ కె. సుబ్రహ్మణ్యన్ సొరేన్ ను ఆదేశించారు.

జార్ఖండ్ శాసనసభ ప్రత్యేక సమావేశాలు ఈ నెల 4వ తేదీన ప్రారంభమయ్యాయి. బుధవారం స్పీకర్ ఎన్నిక జరిగింది. బిజెపికి సిపి సింగ్ స్పీకర్ గా ఏకగ్రీవంగా ఎన్నికయ్యారు. బిజెపి, అఖిల జార్ఖండ్ విద్యార్థుల సంఘం, జనతాదళ్ (యు)ల మద్దతుతో సొరేన్ ప్రభుత్వాన్ని ఏర్పాటు చేశారు.