బాబుకు రాష్ట్రం ఇప్పుడు గుర్తొచ్చందా: బొత్సా సత్యనారాయణ

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడికి రాష్ట్రం ఇప్పుడు గుర్తొచ్చిందా అని రాష్ట్ర పంచాయతీ రాజ్ శాఖా మంత్రి బొత్సా సత్యనారాయణ ప్రశ్నించారు. తన పార్టీలో ప్రాంతీయ వైషమ్యాలు చోటు చేసుకుని రాష్ట్ర విభజనకు గురయ్యే పరిస్థితులు రావడంతో చంద్రబాబు నెల్లాళ్లపాటు ఇంట్లో దాక్కున్నారని, విందు వినోదాల్లో మునిపోయారని, ఇప్పుడు చంద్రబాబుకు రాష్ట్ర గుర్తొచ్చిందని ఆయన శుక్రవారం మీడియా ప్రతినిధుల సమావేశంలో అన్నారు. చంద్రబాబువి ఊసరవెల్లి రాజకీయాలని, చంద్రబాబుకు రాష్ట్ర ప్రయోజనాలు అవసరం లేదని ఆయన అన్నారు.

చంద్రబాబుది రాజకీయ దివాళాకోరుతనమని ఆయన అన్నారు. రిలయన్స్ పై దాడులను తెలంగాణ రాష్ట్ర ఏర్పాటును అడ్డుకోవడం భాగంగా చూడకూడదని ఆయన అన్నారు. అందరూ ఏదో గూడుపుఠానీ చేస్తున్నారని చంద్రబాబు మాట్లాడడం సరి కాదని ఆయన అన్నారు. చంద్రబాబు వ్యక్తిత్వానికి తగినట్లుగా మాట్లాడడం లేదని ఆయన అన్నారు. హైదరాబాద్ బ్రాండ్ ఇమేజ్ దెబ్బ తిన్నదని చంద్రబాబు అనడాన్ని ఆయన తప్పు పట్టారు. దాడులు ఒక్క హైదరాబాదులోనే జరగలేదని, రాష్ట్రమంతా జరిగాయని ఆయన అన్నారు.