మీడియాపై సిపిఐ నారాయణ చిందులు

అనంతపురం: సిపిఐ రాష్ట్ర కార్యదర్శి కె. నారాయణ శనివారం మీడియా ప్రతినిధులపై అనంతపురంలో చిందులేశారు. మీడియా ప్రతినిధులపై ఆయన విసుక్కున్నారు. దీనికి నిరసనగా మీడియా ప్రతినిధులు నారాయణ మీడియా ప్రతినిధుల సమావేశాన్ని బహిష్కరించారు. మీడియా ప్రతినిధులు ప్రశ్నలు వేయడానికి సిద్ధపడడంతో నారాయణ విరుచుకుపడ్డారు. తాను చెప్పేది వినాలని ఆదేశించే ప్రయత్నం చేశారు.తాను చెప్పేది వినకపోతే వెళ్లిపోవాలని అన్నారు.

ఇది తాము పెట్టిన ప్రెస్ మీట్ అని, తాము చెప్పేది వినాలని ఆయన అన్నారు. మీరు అడిగేదేమిటని ఎదురు ప్రశ్న వేశారు. తానేమీ పారిపోవడం లేదని అన్నారు. అంతా మీ ఇష్టమేనా అని ఆయన మీడియా ప్రతినిధులను గద్దించారు.