నా రాజీనామాపై రాజకీయం వద్దు: అమర్ సింగ్

న్యూఢిల్లీ: తన రాజీనామాలపై రాజకీయం చేయవద్దని సమాజ్ వాదీ పార్టీ సీనియర్ నేత అమర్ సింగ్ పార్టీ నాయకులను కోరారు. తన నిర్ణయం వెనక ఎటువంటి దురుద్దేశం లేదని ఆయన సోమవారం మీడియా ప్రతినిధులతో అన్నారు. జానేశ్వర్ మిశ్రా, రామ్ గోపాల్ యాదవ్, మోహన్ సింగ్, బ్రిజ్ భూషన్ తివారీ వంటి నాయకులు తన రాజీనామాకు రాజకీయ రంగు పులిమేందుకు ప్రయత్నిస్తున్నారని ఆయన విమర్శించారు.

తన భార్య పంకజ, స్నేహితులు అమితాబ్ బచ్చన్, జయా బచ్చన్, జయప్రదలను అడిగి తాను ఈ నిర్ణయం తీసుకోలేదని ఆయన తెలిపారు. అనారోగ్యం కారణంగా హాజరు కాకపోతే దాన్ని రాజకీయ తంత్రంగా పేర్కొనడంలో అర్థం లేదని ఆయన అన్నారు. తనకు ములాయం సింగ్ పై గౌరవం ఉందని, తాను ఎవరిపై కూడా ఆరోపణలు చేయలేదని ఆయన గుర్తు చేశారు.