బెజవాడ కనకదుర్గ గుడి వద్ద జల ప్రళయం

విజయవాడ: కనకదుర్గ గుడి టోల్‌గేటు వద్ద ఉన్న ఓ భారీ పైప్‌లైన్‌ పగిలి పోవడంతో సోమవారం అధిక స్థాయిలో నీరు రోడ్లపైకి చేరింది. దీంతో ట్రాఫిక్‌కు తీవ్ర అంతరాయం ఏర్పడింది. తాత్కాలికంగా ట్రాఫిక్‌ను సొరంగ మార్గం ద్వారా మళ్లించారు. రోడ్లపై నీళ్లు నిలిచిపోవడంతో పాతబస్తీలో కిలోమీటర్‌కు పైగా ట్రాఫిక్‌ నిలిచిపోయినా పోలీసులు ఏమీ పట్టనట్టు వ్యవహరిస్తున్నారని స్థానికులు ఆందోళన వ్యక్తం చేశారు.

భౌగోళికంగా కనకదుర్గ గుడి విజయవాడ మొతానికి ఎత్తులో ఉంది. టోల్ గేట్ ప్రాంతం కూడా ఎత్తే. అందువల్లనే ఇక్కడ పొంగిన నీళ్ళు పాత నగరాన్ని ముంచెత్తాయి. ఈ ప్రమాదానికి మునిసిపల్, వాటర్ వర్క్స్ శాఖల అధికారులు బాధ్యులని రాజకీయ నాయకులు విమర్శిస్తున్నారు.