సిపిఐ నారాయణ విజయవాడలో తెలంగానం

విజయవాడ: ప్రత్యేక తెలంగాణ రాష్ట్రానికి సిపిఐ కట్టుబడి వున్నదని మంగళవారం విజయవాడలో సిపిఐ రాష్ట్ర కార్యదర్శి నారాయణ స్పష్టం చేశారు. రాష్ట్రంలో ప్రధాన పార్టీలైన తెలుగుదేశం, కాంగ్రెస్‌ తెలంగాణ అంశంపై తమ వైఖరి స్పష్టం చేయకుండా ద్వంద్వ వైఖరి అవలంభిస్తున్నాయని నారాయణ ధ్వజమెత్తారు. ప్రస్తుతం చుక్కలనంటిన ధరలపైనే తాము దృష్టి సారించినట్లు నారాయణ తెలిపారు.

తెలంగాణ రాష్ట్రాన్ని సిపిఎం వ్యతిరేకిస్తున్న విషయం తెలిసిందే. కమ్యూనిస్టులకు ఒకనాటి కంచుకోట అయిన విజయవాడలో సిపిఐ నారాయణ తెలంగాణకు అనుకూలంగా స్పష్టంగా మాట్లాడడం గమనించదగినది. సిపిఐకి అనుబంధంగా ఉన్న జర్నలిస్టు సంఘాలు కూడా ఇప్పుడు గట్టిగా తెలంగాణ నినాదాన్ని విన్పిస్తున్నాయి. ఆ పార్టీకి అనుబంధంగా ఉన్న ఆంధ్ర జర్నలిస్టులు కూడా అదే దారిలో వెళ్తున్నారు.