• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అదుర్స్ ను ఎట్టి స్థితిలో ఆడనివ్వం: కవిత

|

Kavitha
హైదరాబాద్: ఎట్టి పరిస్థితిలోనూ జూనియర్ ఎన్టీఆర్ నటించిన అదుర్స్ సినిమాను అడనివ్వబోమని తెలంగాణ జన జాగృతి కన్వీనర్ కల్వకుంట్ల కవిత హెచ్చరించారు. తాము జూనియర్ ఎన్టీఆర్ కు వ్యతిరేకం కాదని, సినిమా నిర్మాతలు సమైక్యవాదులని, అందుకే తాము సినిమాను వ్యతిరేకిస్తున్నామని ఆమె మంగళవారం మీడియా ప్రతినిధులతో అన్నారు. హీరోలెవరనేది ముఖ్యం కాదని, నిర్మాతలెవరనేదే ముఖ్యమని ఆమె అన్నారు. జూనియర్ ఎన్టీఆర్ హైదరాబాద్ అన్నారే గాని తెలంగాణ అనలేదని, అందుకు తాము చాలా బాధపడుతున్నామని ఆమె అన్నారు.

సినిమాను ప్రదర్శించకపోవడం వల్ల థియేటర్ యజమానులకు, డిస్టిబ్యూటర్లకు ఏ విధమైన నష్టం లేదని ఆమె అన్నారు. బయ్యర్లు సినిమా కొని నష్టపోవద్దని ఆమె సూచించారు. తాను తెలంగాణ బిడ్డనని, ఆంధ్రవాళ్లు కూడా తన సినిమాను ఆదరించాలని కోరితే భావసారూప్యత ఉండేదని ఆమె అన్నారు. జూనియర్ ఎన్టీఆర్ అందరివాడినని అంటున్నారని, ఇది వరకు తాను అందరివాడినని చెప్పిన హీరో తెలంగాణవారిని మోసం చేశాడని ఆమె చిరంజీవిని ఉద్దేశించి అన్నారు. జూనియర్ ఎన్టీఆర్ ప్రకటనలో తెలంగాణ పదం లేదని, హైదరాబాద్ అని మాత్రమే ఉందని, ఇందుకు తాము బాధపడుతున్నామని ఆమె చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X