జ్యోతిబసు ఆరోగ్యం మరింత విషమం

కోల్ కత్తా: కమ్యూనిస్టు కురు వృద్ధుడు, పశ్చిమ బెంగాల్ మాజీ ముఖ్యమంత్రి జ్యోతిబసు ఆరోగ్య పరిస్థితి మరింత విషమించింది. జ్యోతిబసు ఆరోగ్యం అత్యంత ఆందోళనకరంగా ఉందని వైద్యులు శనివారం చెప్పారు. పలు అవయవాలు పనిచేయడం లేదని వారు తెలిపారు. పూర్తిగా లైఫ్ సపోర్టు సిస్టం మీదనే జ్యోతిబసు ఉన్నారు. పూర్తి వెంటిలేషన్ మీదనే జ్యోతిబసు ఉన్నారని వైద్యులు చెప్పారు.

బసు ఊపిరితిత్తులు, మూత్రపిండాలు, హెమో డైనమిక్ సిస్టం పూర్తిగా విఫలమైనట్లు వారన్నారు. గుండె, కాలేయం కూడా చెడిపోయినట్లు వారు తెలిపారు. పరిస్థితి విషమించడంతో ఆస్పత్రికి జ్యోతిబసు కుటుంబ సభ్యులను వైద్యులు పిలిచారు. రక్తం పోటు అకస్మాత్తుగా పడిపోయింది. కొత్త మందులతో రక్తంపోటు శనివారం కాస్తా మెరుగ్గా కనిపిస్తోంది.