ఆసీస్ బార్ లోకి ఇండియన్స్ కు నో ఎంట్రీ

మెల్బోర్న్: ఆస్ట్రేలియాలో జాతి వివక్ష ఘటనలు కొనసాగుతూనే ఉన్నాయి. మెల్బోర్న్ లోని ఓ బార్ లోకి ఆరుగురు దక్షిణాసియా వ్యక్తుల ప్రవేశాన్ని అడ్డుకున్నారు. వీరిలో ముగ్గురు భారతీయులున్నారు. జాతి వివక్షనే ఇందుకు కారణమని భావిస్తున్నారు. భారత్ కు తిరిగి వెళ్తున్న అభిషేక్ అగర్వాల్ వీడ్కోలు పార్టీ కోసం తాము బార్ కు వెళ్లామని నేపాలీ పౌరుడు సుజన్ పాఠక్ చెప్పారు. వివరణ ఏదీ ఇవ్వకుండా వెళ్లిపోవాలని మెల్బోర్న్ సెంటర్ లయన్ హోటల్ సిబ్బంది తమను వెనక్కి పంపారని ఆయన చెప్పారు. ముగ్గురు భారతీయులు, ముగ్గురు నేపాలీలు కారణం కనుక్కోవడానికి పోలీసులను సంప్రదించారు. అయితే అందుకు వారు సహకరించలేదు.

వివరణ ఏదీ ఇవ్వకుండా కస్టమర్లను వెనక్కి పంపవచ్చునని అన్ని బార్ల వద్ద నోటీసులు పెట్టారు. తాము బార్ లోకి ప్రవేశించే సమయంలో చాలా మంది ఉన్నారని, మీరు లోనికి రావడానికి వాళ్లు తమకు చెప్పారని పాఠక్ చెప్పారు. తాము పది నిమిషాల పాటు నిరీక్షించామని, తమ ముందే మిగతా వాళ్లు లోనికి వెళ్లారని ఆయన చెప్పారు. 20 నిమిషాల తర్వాత పోలీసు వచ్చాడని, తాము పరిస్థితిని వివరించామని, అయితే ఇది జాతి వివక్షకు సంబంధించింది కాదని పోలీసు చెప్పాడని అగర్వాల్ వివరించారు.