ఆయుర్వేదం, యోగాపై అమెరికా అధ్యయనం

వాషింగ్టన్‌: ఆయుర్వేద వైద్య విధానంపై అధ్యయనానికి ఐదుగురు అమెరికా వైద్యుల బృందం వచ్చే నెలలో భారత్‌ రానుంది. దీంతో పాటు వీరు యోగా, ధ్యానం, ఆయిల్‌ మసాజ్‌ తదితర చికిత్స విధానాలపైనా నిపుణులతో చర్చిస్తుంది. ఐదు ప్రధానవ్యాధులకు ఆయుర్వేదంలోగల చికిత్స విధానాలు, ఔషధ మొక్కల అధ్యయనంపైనే ఎక్కువగా దృష్టి సారిస్తారు.

ఈ మేరకు అమెరికాలోని భారత సంతతి వైద్యుల సంఘం సహ వ్యవస్థాపకుడు నవీషా చెప్పారు. పర్యటన ప్రారంభంలో ఈ బృందం జైపూర్‌లోని ఆయుర్వేద వైద్య కళాశాలను సందర్శిస్తుంది. భారత ప్రభుత్వ ఆహ్వానం మేరకే ఈ బృందం రానుంది. వీలైతే ఆయుర్వేదాన్ని అమెరికా వైద్యవిధానంలో ప్రవేశపెట్టడం ఈ పర్యటన ముఖ్యోద్దేశం.