తిరుమలలో భారీగా భక్తజనం, వసతికి ఇబ్బందులు

తిరుపతి: శ్రీ వెంకటేశ్వరస్వామిని దర్శించుకోవడానికి భక్తులు తిరుమలకు పొటేత్తారు. దీంతో ఆదివారం తిరుమలేశుడి సన్నిధి భక్తులతో కళకళలాడుతోంది. భక్తజనం భారీసంఖ్యలో రావడంతో దర్శనానికి రెండు నుంచి మూడు గంటల సమయం పడుతోంది. అయ్యప్ప భక్తులు శబరిమల దర్శనంతో తర్వాత వెంకన్న దర్శనానికికి రావడం, పాఠశాలలకు సెలవులుండడంతో రాష్ట్రవ్యాప్తంగా భక్తులు వెంకనన్ను సన్నిధికి చేరుకుంటుండడంతో భక్తుల రద్దీ పెరుగుతోంది.

మరో రెండు, మూడు రోజులు ఈ రద్దీ కొనసాగే అవకాశం ఉందని టీటీడీ అధికారులు చెబుతున్నారు. రద్దీ పెరగుతుండడంతో భక్తుల కష్టాలు కూడా పెరుగుతున్నాయి. దర్శనానికే కాక, వసతి, ఇతర సౌకర్యాలకు నానా తంటాలు పడాల్సి వస్తోంది. మరో వైపు లడ్డూల కొరత కూడా ఉంది.