తెలంగాణ ప్రాంత పరీక్షా పత్రాలు మాకే ఇవ్వండి: లెక్చరర్లు

హైదరాబాదు: పదవ తరగతి, ఇంటర్‌ విద్యార్థుల పరీక్షల సమాధాన పత్రాలను ఏ ప్రాంతానివి ఆ ప్రాంత ఉపాధ్యాయులచే దిద్దించాలని లేకుంటే లక్ష మంది విద్యార్థులు, లెక్చరర్లతో ఈ నెల 22న ఇంటర్‌ బోర్డును ముట్టడిస్తామని తెలంగాణ లెక్చరర్ల ఫోరం హెచ్చరించింది.

తెలంగాణ లెక్చరర్ల ఫోరం ప్రతినిధులు ఆదివారం హైదరాబాద్‌లో మీడియాతో మాట్లాడుతూ తెలంగాణ ఉద్యమంతో 15 రోజులపాటు పాఠశాలలు, కళాశాలలకు ప్రభుత్వం సెలవులు ప్రకటించడంతో వార్షిక పరీక్షలను 15 రోజుల పాటు వాయిదా వెయ్యాలని ఇప్పటికే ఆ శాఖ కార్యదర్శిని కోరామన్నారు. తమ వినతిని ప్రభుత్వం మన్నించకుంటే ముట్టడి ఖాయమన్నారు.