ఒయు పరీక్షలు యధాతథం: విసి

హైదరాబాద్: ఉస్మానియా విశ్వవిద్యాలయ పరిధిలోని పరీక్షలు రేపటి నుంచి యథావిధిగా జరుగుతాయని విశ్వవిద్యాలయం వైస్ చాన్సలర్ తిరుపతి రావు చెప్పారు. పరీక్షలు వాయిదా పడవని, ముందు నిర్ణయించిన ప్రకారమే జరుగుతాయని ఆయన సోమవారం చెప్పారు. పరీక్షలు ముందు నిర్ణయించిన ప్రకారం రేపటి నుంచి జరుగుతాయని ఉస్మానియా విశ్వవిద్యాలయం రిజిస్ట్రార్ కూడా చెప్పారు.

కాగా, రేపటి నుంచి జరగనున్న పరీక్షలను బహిష్కరించాలని విద్యార్థుల జెఎసి నిర్ణయించింది. పరీక్షలు వాయిదా వేయాలని జెఎసి డిమాండ్ చేసింది. పరీక్షలు వాయిదా వేయాలని మహబూబ్ నగర్ జిల్లాలోని పాలమూరు విశ్వవిద్యాలయం విద్యార్థులు ఆందోళనకు దిగారు.