పుట్టపర్తి సాయిబాబా మందిరానికి బాంబు బెదిరింపులు

అనంతపురం: అనంతపురం జిల్లాలోని పుట్టపర్తి సాయిబాబా మందిరం, ఇస్కాన్‌ దేవాలయాలను, ఆంధ్రజ్యోతి కార్యాలయాన్ని పేల్చివేస్తామని మంగళవారం ఎస్‌ఎంఎస్‌ల ద్వారా బెదిరింపులు వచ్చాయి. హైదరాబాద్‌ కమిషనర్‌ కార్యాలయానికి ఈ ఎస్‌ఎంఎస్‌లు రావడంతో అనంతపురంలో అప్రమత్తం చేశారు.

బాంబ్‌ స్క్వాడ్‌ తో అధికారులు తనిఖీలు నిర్వహిస్తున్నారు. అసలు ఈ ఎస్‌ ఎంఎస్‌ లు ఆకతాయితనంగా చేశారా, నిజంగానే చేశారా అన్న దిశలో కూడా పోలీసులు దర్యాప్తు చేస్తున్నారు. ఆంధ్రజ్యోతికి, పుట్టపర్తి ఆశ్రమానికి ఉమ్మడి శత్రువులు ఎవరై ఉంటారన్న దిశగా కూడా పోలీసులు ఆలోచిస్తున్నారు. పుట్టపర్తి బాబా మందిరంపై టెర్రరిస్టులు గురిపెట్టినట్టు గతంలో కూడా ఇంటిలిజెన్స్ నివేదికలు వచ్చినట్టు వార్తలు వెలువడిన విషయం తెలిసిందే.