ముందు జాగ్రత్తగా ములాయం అరెస్టు

లక్నో: సమాజ్ వాదీ పార్టీ నాయకుడు ములాయం సింగ్ యాదవ్ ను పోలీసులు ముందు జాగ్రత్తగా చర్యగా మంగళవారం అరెస్టు చేశారు. పెరుగుతున్న ధరలను నిరసిస్తూ ధర్నా తలపెట్టిన ఆయనను పోలీసులు అదుపులోకి తీసుకున్నారు. ఆ సందర్భంగా పోలీసులు సమాజ్ వాదీ పార్టీ కార్యకర్తలపై లాఠీచార్జీ చేశారు. నగరంలోని హజ్రత్ గంజ్ క్రాసింగ్ వద్ద ములాయం ధర్నాకు కూర్చున్నారు. ఆయనను వెంటనే పోలీసులు అరెస్టు చేశారు.

ధరల పెరుగుదలకు నిరసనగా మంగళవారం సమాజ్ వాదీ పార్టీ అన్ని జిల్లా కేంద్రాల్లో ధర్నాకు పిలుపునిచ్చింది. ఇందులో భాగంగా లక్నోలో ములాయం ధర్నాకు దిగారు. ములాయం సింగ్ ను అరెస్టు చేసే సమయంలో పోలీసులకు, సమాజ్ వాదీ కార్యకర్తలకు మధ్య ఘర్షణ చోటు చేసుకుంది.