• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆస్ట్రేలియాలో మరో భారతీయ ట్యాక్సీ డ్రైవర్ పై దాడి

By Santaram
|

Australia
మెల్బోర్న్‌: ఆస్ట్రేలియాలో మరో భారతీయ ట్యాక్సీ డ్రైవర్ పై దాడి జరిగింది. భారతీయ క్యాబ్‌ డ్రైవర్‌పై దాడి జరిగిన తర్వాత అటువంటిదే మరో సంఘటన తాజాగా వె లుగులోకి వచ్చింది. దాడికి పాల్పడిన ఇద్దరు ప్రయాణికుల ఫోటోలను పోలీసులు విడుదల చేశారు. వీరిలో ఒకరు మహిళ. ఉత్తర మెల్‌బోర్న్‌లో శనివారమే ఈ దురాగతం జరిగినా, పోలీసులు మంగళవారం రాత్రి దీన్ని గురించి ప్రకటించడం గమనార్హం. వారంలో రోజుల్లో భారతీయ డ్రైవర్లపై దాడి జరగటం ఇది ఐదోసారి.

రిజర్వాయర్‌ ప్రాంతంలో సోమర్‌హిల్‌ హోటల్‌ వద్ద కారు ఆపిన ఐదుగురిని ఎక్కించుకునేందుకు 25 ఏళ్ల భారతీయ డ్రైవర్‌ నిరాకరించాడు. తన కారులో ఐదుగురు ప్రయాణించేందుకు నిబంధనలు ఒప్పుకోవని చెప్పి, ఇద్దరిని మాత్రమే వాహనంలో ఎక్కించుకున్నాడు. ప్లెంటీ రోడ్డులో కారు ఆపి వీరిద్దరు డ్రైవర్‌పై దాడిచేసి, అక్కడి నుంచి పారిపోయారని పోలీసులు పేర్కొన్నారు. తమ స్నేహితులను కారులో ఎక్కించుకోలేదన్న కోపంతో వారీ ఘాతుకానికి పాల్పడ్డారని తెలిపారు.

ముఖానికి గాయాలయిన బాధితుడు అంబులెన్స్‌కు ఫోన్‌చేసి ఆస్పత్రిలో చేరినట్టు తమతో చెప్పాడని పోలీసులు పేర్కొన్నారు. దాడితో సంబంధమున్న నిందితుల ఫోటోలను విడుదల చేశారు. జాత్యహంకారంతో దాడి జరిగినట్టుగా ఎటువంటి ఆధారాలు లభించలేదని పోలీసులు తెలిపారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X