'అదుర్స్' కేసులో కవితకు అనుకూల ఆదేశాలు

హైదరాబాద్: బంజారా హిల్స్‌ పోలీసులు తనపై నమోదు చేసిన కేసును రద్దు (క్వాష్‌) చేయాలంటూ కేసీఆర్‌ కుమార్తె, తెలంగాణ జాగృ తి అధ్యక్షురాలు కల్వకుంట్ల కవిత దాఖలు చేసిన పిటిషన్‌లో మంగళవారం హైకోర్టు స్టే ఆదేశాలు జారీ చేసింది. తదుపరి ఉత్తర్వులు ఇచ్చేంత వరకు ఈ కేసులో దర్యాప్తుతో సహా అన్ని చర్యలూ నిలిపివేయాలని న్యాయమూర్తి జస్టిస్‌ పి.స్వరూప్‌రెడ్డి ఈ ఆదేశాల్లో పేర్కొన్నారు.

'అదుర్స్‌' చిత్రాన్ని తెలంగాణ జిల్లాల్లో ప్రదర్శించనీయబోమని, తమను కాదని చిత్రాన్ని విడుదల చేస్తే తీవ్ర పరిణాలు ఎదుర్కోవలసి వస్తుందంటూ చానల్స్‌లో ఆమె ఇచ్చిన ఇంటర్వ్యూ ఆధారంగా బంజారాహిల్స్‌ పోలీసులు సుమోటోగా ఈ కేసు నమోదు చేసిన విషయం తెలిసిందే. ఇలా ఉండగా "అదుర్స్" లోని కొన్ని సన్నివేశాలు బ్రాహ్మణులను కొంచపరిచే విధంగా ఉన్నాయని తెలంగాణ బ్రాహ్మణ సమాఖ్య ఆందోళన చేస్తోంది. మానవహక్కుల సంఘాన్ని ఆశ్రయించింది.