ఆస్ట్రేలియాకు వెళ్ళొద్దని చెబుతాం: ఎస్‌ ఎం కృష్ణ

న్యూఢిల్లీ: ఆస్ట్రేలియాలో భారతీయులపై దాడులు ఆగకపోతే ఇక్కడ మన విద్యార్దులు అక్కడికి వెళ్ళొద్దని చెబుతామని బుధవారం విదేశాంగ మంత్రి ఎస్‌.ఎం.కృష్ణ హెచ్చరించారు. తమ దేశ భూభాగంలో భారతీయులపై దాడులు జరగకుండా కట్టుదిట్టమైన చర్యలు తీసుకుంటామని ఆస్ట్రేలియా ప్రధాని ఇచ్చిన హామీని నిలబెట్టుకో లేకపోయారని ఎస్‌.ఎం. కృష్ణ అభిప్రాయపడ్డారు. భారతీయులపై పరంపరగా జరుతున్న దాడులపై ఇకనైనా స్పందించాలని కృష్ణ ఆ దేశ విదేశాంగ శాఖను కోరారు.

ఆస్ట్రేలియాలో భారతీయుడైన మరో ట్యాక్సీ డ్రైవర్ పై తాజాగా దాడి జరిగింది. గత వారం రోజులుగా వరుసగా జాత్యంహంకారుల చేతుల్లో భారతీయులు గాయపడుతున్నారు. తాజాగా దాడికి పాల్పడిన ఇద్దరు ప్రయాణికుల ఫోటోలను పోలీసులు విడుదల చేశారు. వీరిలో ఒకరు మహిళ. ఉత్తర మెల్‌బోర్న్‌లో శనివారమే ఈ దురాగతం జరిగినా, పోలీసులు మంగళవారం రాత్రి దీన్ని గురించి ప్రకటించడం గమనార్హం. వారంలో రోజుల్లో భారతీయ డ్రైవర్లపై దాడి జరగటం ఇది ఐదోసారి.