తెలంగాణ కోసం కరుణాకర్ మృతి

వరంగల్: తెలంగాణ రాష్ట్రం రాదనే మనస్తాపంతో మూడు రోజుల క్రితం ఆత్మహత్యా యత్నానికి పాల్పడిన కరుణాకర్ అనే యువకుడు శనివారం ఆస్పత్రిలో మరణించాడు. వరంగల్ లోని ఎంజిఎం ఆస్పత్రిలో గత మూడు రోజులుగా అతనికి చికిత్స జరుగుతోంది. అతను వరంగల్ జిల్లా హసన్ పర్తి మండలం వంగపాడు గ్రామానికి చెందిన వాడు. అతని మృతదేహానికి ఆస్పత్రిలో పోస్టు మార్టం జరిగింది.

పోస్టుమార్టం అనంతరం వరంగల్ లో కరుణాకర్ మృతదేహంతో ర్యాలీ తీయడానికి తెలంగాణవాదులు ప్రయత్నించారు. అయితే వారిని పోలీసులు అడ్డుకున్నారు. ఈ సమయంలో పోలీసులకు, తెలంగాణవాదులకు మధ్య ఘర్షణ జరిగింది. దాంతో ఉద్రికత నెలకొంది. కరుణాకర్ మృతదేహాన్ని స్వగ్రామం తరలించేందుకు పోలీసులు ప్రయత్నిస్తున్నారు.