నా చేతుల్లోనే రిమోట్ కంట్రోల్: థాకరే

ముంబై: రాజకీయాల రిమోట్ కంట్రోల్ తన చేతుల్లోనే ఉందని, తన చేతుల్లోనే ఉంటుందని శివసేన చీఫ్ బాల్ థాకరే వ్యాఖ్యానించారు. శనివారం 84 ఏట ఆయన అడుగు పెట్టారు. పార్టీ అధికారిక పత్రిక సామ్నా సంపాదకీయంలో ఆ వ్యాఖ్య చేశారు. పార్టీ పగ్గాలను కుమారుడు ఉద్ధవ్ థాకరేకు అప్పగించి రాజకీయాల నుంచి తప్పుకుంటానని థాకరే ఐదేళ్ల క్రితం ప్రకటించారు.

పార్టీ మొక్కను 45 ఏళ్ల క్రితం నాటామని, ఇప్పుడు వృక్షంగా మారి ఢిల్లీలో అధికార కేంద్రంగా మారిందని ఆయన అన్నారు. మరాఠీ మనువులు తమ ఆలోచనలకు కేంద్రమని, అలాగే ఉంటుందని ఆయన అన్నారు. వృద్ధాప్యం వల్ల తాను మిమ్మల్ని గతంలో మాదిరిగా కలవలేకపోతున్నానని, ఇప్పుడిప్పుడే జబ్బు నుంచి కోలుకున్నానని, మాతోశ్రీలో మిమ్మల్ని నేను కలవలేకపోతున్నానని, మీ కోసం ఉద్ధవ్ ఉంటారని, నేను మీ హృదయాలకు దగ్గరగా ఉంటానని ఆయన శివసైనికులను ఉద్దేశించి ఒక లేఖ కూడా రాశారు.