మేడారం జాతర కోసం టర్బో హెలికాప్టర్లు

వరంగల్‌: మేడారం సమ్మక్క-సారలమ్మ జాతరకు హెలికాప్టర్‌ ద్వారా భక్తులను చేరవేసేందుకు టర్బో ఏవియేషన్స్‌ సంస్థకు జిల్లా ఉన్నతాధికారులు మంగళవారం అనుమతి ఇచ్చారు. హైదరాబాద్‌ నుంచి మేడారానికి ఐదు కిలోమీటర్ల దూరంలో ఉన్న పడిగాపూర్‌కు వయా హన్మకొండ ద్వారా హెలికాప్టర్‌ నడపనున్నారు. హైదరాబాద్‌ నుంచి ఒక్కొక్కరికి రూ.15 వేలు, మామూనూరు నుంచి రూ.6 వేలు, ములుగు నుంచి రూ.3 వేలు చెల్లించాలి.

మేడారం జాతరకు దేశంలోని వివిధ నగరాలనుంచి, విదేశాల నుంచి సంపన్నులైన తెలంగాణ ప్రజలు వస్తుంటారు. వారికి సమయం ఆదా చేసేందుకు ఈ హెలికాప్టర్ సదుపాయం కల్పించారు. ఈ మూడు నాలుగు రోజుల్లో టర్బో ఏవియేషన్ ఆదాయం బాగా పెరిగే అవకాశముంది. మేడారం జాతరకు ఈ నాలుగు రోజుల్లో 80 లక్షల మంది హాజరవుతారని అంచనా.